September 29, 2022–Nagpakitang gilas ang mga partisipante sa PANABOLYMPICS nga gisalmotan sa mga Non-Teaching School Personnel, School Heads ug Top Management sa Department Of Education (DEPED) Panabo SDO sa Panabo City Gym.

Gipasundayag sa mga partisipante ang ilang talento sa pagsayaw sa exercise fitness dance nga Zumba Competition kung diin upat (4) ka grupo ang mi-abante. Ang usa sa highlight sa maong programa mao ang search sa Mr. & Miss PanaboLympics 2022. Gipakita usab sa mga kandidata ug kandidato ang ilang sports outfit. Gihatagan usab og award ang mga manana-og sa tanang sports events.

Ang maong kalihokan suportado sa Lokal na Panggamhanan sa siyudad sa Panabo nga gipangulohan ni City Mayor Jose E. Relampagos. Mihatag siya og P50,000.00 atol sa programa alang sa pagdugang sa premyo. “Basta ako ug unsay masuporta nako sa DepEd Family, andam gyud ko,” ingon pa ni Mayor Relampagos. Mingtunol usab og cash prize si Governor Edwin Jubahib pinaagi sa iyang representante nga si Arnel Montero.

Ang mga hurado sa Mr & Ms PanaboLympics og Zumba Competition sila City Information Officer Michael Angelo Resueño, Brindo H. Cuamag, Dennis Gucor, ug si Dolores Curay isip chairperson.

Nakuha sa Yellow Titans ang Overall Champion apil na niana ang mga daog sa mga nagkadaiyang sports events. Gi koronahan usab si Jezzriel Rado, 26 anyos, isip Miss Panabolympics 2022 ug Ronmar V. Jayong, 33 anyos, isip Mr. Panabolympics 2022.

Anaa usab sa awarding ceremony sila City Vice Mayor Gregorio “Banjong” Dujali III, SP Committee on Education City Councilor Christian Leander Dujali, City Councilor Omar Ranain, School Division Superintendent Reynante Solitario EdD, CESO VI, Chief Education Supervisor Janwario E Yamota, Director II,CSC Field Office Nelly L. Esperanza nga gi- representahan ni Senior HRS Relee Jill Villanueva, Chief Education Supervisor Ailene Añonuevo,PhD, Director 1V, DepED Region XI Allan Farnazo, CESO III, Assistant Schools Division Superintendent Phoebe Gay L. Refamonte CPA,CESE, DepEd Assistant Regional Director Maria Ynes Asuncion ug mga representante sa Civil Service Commission Regional XI, Office of the Representative District II ug sa Provincial Government of Davao del Norte Edwin I. Jubahib.
“Basta taga DepED Panabo, Panalo!”

✍️Dolly Amag, CIO-PIRU
📸Quinn Villahermosa, CIO-Multimedia