Ang LGU Panabo City pinaagi sa City Agriculture Office ug pakig-alayon sa City Tourism Promotion Section usa sa 74 ka mga exhibitors sa 24th Davao Agri-Trade Expo 2022 ngadto sa SM Convention Center, SM Lanang, Davao City adtong Setyembre 29, 2022.

Gipangunahan kini sa Davao Chamber and Commerce Industry Inc. aron ipasundayag sa mga bisita ang mga nagkalaing produkto ug serbisyo sa mga ahensya o lokalidad sa Southern Mindanao na base sa sektor nga Aquaculture, Livestock, Poultry, Hogs, ug High-Value Crops.

Gibida sa Panabo City Booth kauban ang 13 ka mga partisipante ang mga produkto na hinimo mismo sa Panaboans gumikan sa customized bayong, mga pagkaon, sukang halang, Chili Oil, rehoboth tableya, mainom sama sa buko juice, ug uban pa. Abri usab kini tanan sa posibilidad na paliton.

Nakigduyog sa opisyal na pag-abri si City Administrator Pedrito A. Misoles, mga representante sa City Agriculture Office kauban ang mga personahe sa nagkalaing kompanya.

lM. Lagura
Photos: A. Castilla