Opisyal nga gitunol sa Development Academy of the Philippines (DAP) pinaagi kay Project Field Implementation and Management Coordinator Cesar B. Cuyugan, Jr. ang 150 tablets sa Lokal nga Panggamhanan sa Panabo alang sa Alternative Learning System (ALS) adtong Agosto 30, 2022 sa Panabo Multipurpose Tourism, Cultural and Sports Center. Ang proyekto makatabang aron nga maka-access ang mga estudyante sa DepEd TV ug Radio Aralan ug sa Linang Program sa DAP alang sa blended learning system.

Saysay ni Cuyugan na ang DepEd Panabo na mismo ang maghatag og pamaagi na magamit kini sa mga estudyante. “I would like to emphasize that Panabo Alternative Learning System make a good use of media kasi yung mga learning materials nasa online din. With these tablets, we are very happy to turn over this to the City Government of Panabo,” dugang niya.

Matod pa ni DepEd Education Program Specialist II-ALS Joy S. Magno na ilahang ipadayon ang plano sa DAP ug gamiton ang maong mga tablets sa ilahang mobile eskwela program. “We are planning to implement them the soonest. We will utilize the tablets on our mobile eskwela program especially on our learners at BJMP, St. Therese, St. Joseph, and Parole and Probation learners,” dugang pa ni Magno.

Nakigduyog sa seremonyas si Executive Secretary Josie Mary G. Relampagos isip representante ni City Mayor Jose E. Relampagos, Project Management Unit Head Melchi Uyasan, City Councilor Hon. Ian Rolet A. Catalan, City General Services Officer Madera M. Bautista, ug si Keir Jay S. Balingan isip representante ni PESO Manager Cherelle B. Espinosa.

lM. Lagura
Photos: E. Pan