Agosto 31, 2022 — Sa katapusang adlaw sa Agosto, gi-asoy sa City Engineer’s Office – Panabo City, Davao del Norte, Facebook page ang pagturn-over sa mga bag-ong classroom sa tulo (3) ka tulunghaan sa siyudad sa Panabo nga mao ang Sindaton National High School, P. Changco Elementary School, ug Kasilak National High School.

Sa administrasyon ni City Mayor Jose E. Relampagos usa ni sa iyang prayoridad nga “Educational Support” sulod sa iyang RELAMPAGOS 10-Point Executive Agenda.

Ang maong one (1) storey building nga gilangkuban og duha (2) ka classrooms ug cr nga adunay budget nga P2.6 Million ilawom sa Local School Board nga pundo sa Lokal nga Panggamhanan sa Panabo

Sa Kasilak National High School Personal nga mitambong sa turn-over ceremony si Executive Assistant IV Josie Mary G. Relampagos isip representante ni Mayor Relampagos. Bitbit ang kalipay og tinguha nga mapadayon sa tulunghaan ang madasigon nga pagtudlo sa mga estudyante sa hapsay ug kalinaw sa ilang ikaduhang panimalay nga mao ang mga tulunghaan.

Sa maong seremonya, anaa usab ang presensya nila City Adiministrator Pedrito A. Misoles, City Engineer Bernardo C. Rabanoz Jr., CSWDO Assistant Department Head Jeanette Lamoste, ug mga school head sa matag eskwelahan.

|IDOB
📸 CMO