Enero 27, 2023 – Human sa gipagawas nga kadismayado ni City Mayor Jose E. Relampagos kabahin sa proyekto nga road concreting sa Barangay Kasilak, misipot na ang Department of Public Works and Highways (DPWH) XI human kini gipatawag sa Mayor aron mahatagan og klaro, sakto, ug konkretong tubag ang palyadong proyekto sa maong barangay. Sila nagpulong sa Barangay Hall sa Brgy. Kasilak kauban ang mga personahe sa DPWH XI nga gipangulohan ni Project Engineer Alexes B. Rivera, Assistant City Engineer Joanne Mazo, ug mga konsehales sa Barangay.

Sugyot ni Mayor Relampagos sa DPWH nga, “Sayang ang kwarta sa gobyerno tungod sainyong pagpabaya nga wala ninyo gina-check ang ginatrabaho sa contractor, inyo lang kining gipasagdan.”

Mitubag usab si Project Engineer Alexes B. Rivera sa DPWH XI ang mismong in-charge sa proyekto, nga susihon nila ang maong dalan kauban ang contractor aron makita kung unsa pa ang pwede ma-ayo.

Sa tubag ni Rivera, wala naka-uyon si Mayor Relampagos sa iyang nadungog nga igo lang kining ayuhon. Saybit sa Mayor nga dili lang ayuhon kun dili kinahanglan kining i-remove and replace tungod sa kalasaw sa semento nga gibuhos, lakip na ang trabaho nga walay hinungdan sanglit nga mi-resulta sa buak nga dalan.

program of works (POW), ngalan sa contractor sa maong proyekto, ug uban pang mga dokumento nga kinahanglan i-sumite sa City Engineering Office (CEO) isip basehan sa Lokal nga Panggamhanan.

Hangyo pa ni PE Rivera nga hatagan siyag unom (6) ka bulan nga mahuman sa contractor ang pag-repair, remove and replace sa dalan.
Sa katapusang bahin, nagpahimangno si Mayor Relampagos sa mga personahe sa mga naglambigit sa proyekto, nga kung dili matuman ang ilang nahisgutan nga saad ug nasabutan sa panagpulong mopasaka na kini og kaso.

#PanaboCity
#importanteinformed
#ServicetoPanaboansServicetoGod

| M. Gentiles
📸 J. Babor & R. Cayas