Disyembre 15,2021 – Sugdan na sa tuig 2022 ang drainage system project sa siyudad sa Panabo nga mokantidad og P50 Million matod pa ni City Engineer Bernardo C. Rabanoz, Jr. Human kini sa road concreting projects sa unang termino ni City Mayor Jose E. Relampagos nga ginaatiman sa City Engineering Office (CEO). Dugang pa niya sa programang Rajoe Serbisyo, “Unahon ang Poblacion area kay kini ang halos makasinati sa mga pagbaha ilabi na sa Barangay San Pedro.”
Ang usa sa unang planong sugdan nga proyekto sa CEO kay ang drainage widening sa Barangay Sto. Niño creek padulong Barangay San Pedro.
Sa katapusan, nahibalo si City Engineer Rabanoz nga adunay mga kalisdanan sap ag implementa sa maong proyekto ilabi na sa mga tawong maapektohan niini, maong nanghangyo siya sa kooperasyon sa katawhan nga mosunod sa mga polisiya sa gobyerno.
Alang sa dugang detalyi, mamahimong makita ang live coverage sa City Government of Panabo FB Page o sa link: https://fb.watch/9Vi7KzsUDK/
| Tim Acebedo, CIO-PIRO
