Gisugdan sa usa ka parada sa PNP Highway Patrol Group inubanan ni Panabo Police Chief PLTCOL Verna L.Cabuhat ang mga miyembro sa City Anti Drug Council nga gipangulohan ni City Mayor Jose E.Relampagos ang pagsaulog sa National Drug Prevention and Control Week 2020.

Sa bulan sa Enero hantod Nobyembre, adunay 71 ka kaso sa droga sa siyudad. Nagpahinumdom si Chief Cabuhat nga padayon ang kampanya nila batok sa illegal nga droga luyo sa suporta ni City Mayor Relampagos ug dili sila mo undang hantod mahunong na kini.

Nagpahigayon sad ang PNP Panabo og lecture kabahin sa Republic Act 9165 o ang The Comprehensive Dangerous Drugs Act of 2002 pinaagi sa FB live ug sa ilang programa sa radio. Nahisgutan ang mga balaod kabahin sa droga, pag edukar sa mga ginikanan sa kadelikado sa droga, ug unsaon nila kining matudlo sa ilang mga anak.

Sa mga anaay nahibal-an nga kalihokan nga gikalambigitan sa droga, mamahimong mo kontak sa PNP hotline 09073122991 ug makig koordina sa mga punong barangay, og mamahimong mo adto sa police station aron ma imbestigahan ang reklamo.
Gisigurado sa kapolisan ang confidentiality sa mga nagreport.

Gen Alforque – CIO/PIRO
📸 – Pnp DavNor Panabo & City Anti-Drug Abuse Council- Panabo City