Walay gustong magpapildi, walay gustong mabiyaan. Tanan naningkamot ug nagpakitang gilas.

Sa gipahitabong Paskohan SportFest Year 2, gisugdan ang Mountain Bike-Country and Circuit Race niadtong Nobyembre 15, 2020 diin adunay 165 ka biker ang niapil sa katibuk-ang kategorya.

Mao ni sila ang nakakuha sa Rank 1 sa unang hugna niini: Category Executive – Archie De Asis, Junsen – Neil Jason Sanz, Grandmaster – Joel Albeia, Veterans – Bacar Subangan, Elite – Nathaniel Clark Carisma, Ladies – Faith Jireh Balane, Fatboys – Jayson Bernandos, Funride A – Reham Macla, ug Funride B – Edwin Cordero.

Sa migawas na resulta makita nga doul lang ang mga biyang puntos. Ang ikaduhang hugna niini karong umaabot nga November 22, 2020 ug ang “Final Race” or katapusang hugna karong umaabot nga November 29, 2020.

Kini usa ka programa ni City Mayor Jose E.Relampagos nga gi implementa sa Panabo City Sports Development.

| Ivory Dawn Balogbog, CIO-PIRO
📸 CIO – Gen Alforque