Nobyembre 11,2020 | Ang Free Wheelchair Mission nga gikan sa United States of America gi mugna alang sa mga people/persons with mobility impairments pinaagi sa partnership ug collaboration sa Children International, DOLE, ug Kasilak Development Foundation Incorporated.

Matod pa sa Community Development Officer sa Kasilak Development Foundation na si Beato A. llubit, “Ang target nato sa maong programa mao ang mga PWD nga needed najud nila ang mga panginahanglan susama sa makalihok ug makatabang sa panginabuhiian.”

Dungag pa niya , “Alang sa pag-avail sa maong programa, dapat aduna siyay application form na gikan sa foundation, medical abstract, ug recommendation sa opisina sa DSWD.”

Dako usab ang pagpasalamat ni Gemma Lapascua nga taga P-9, San Vicente Panabo City nga isa sa nakadawat sa libreng wheelchair. Sumala pa niya, “Dako na kini nga tabang kanako kay dali nalang i-lihok lihok dinhi sa balay. Dako usab akong pagpasalamat kay Mayor Relapagos ug sa mga nag sponsor niini.”
Nakadawat usab si Leopoldo D. Dolor nga taga Purok Anduhao, San Pedro Panabo City.

Sa maong pagpanghatag, mismong si Executive Secretary Josie Mary G.Relampagos isip representante ni Mayor Jose E. Relampagos, ang nihatag sa mga benepisyaryo kauban si Social Welfare Officer III Shiela Caval, ug mga kawani sa DOLE.

|Mel Hilario CIO-PIRO