Human migawas ang Executive Order No. 63 ni Governor Edwin I.Jubahib adtong October 30, 2020, nagpahigayon og orientation ang City IATF nga gipangulohan ni City Mayor Jose E.Relampagos alang sa Liga ng mga Barangay Kapitan kabahin sa mga bagong polisiya nga dapat e-implementa batok sa COVID-19.

Tumong niini nga mapahibalo sa matag kapitan ang mga dugang ug nabag-o nga mga probisyon gikan sa dating Executive Order sa Gobernador gumikan sa pagtaas sa kaso sa COVID-19 sa Davao Del Norte labi na sa Siyudad sa Panabo.

Usa sa mga nahisgutan kay ang probisyon sa QR code scanning sa mga checkpoints subay sa Section 3 o Suppletory Policies and Guidelines. Giklaro nga ang tanan mosulod sa Probinsiya kinahanglan na magpascan sa matag checkpoint. Gipasabot sa mga kapitan ang striktong pagpatuman niining systema labaw na nga daghan ang nagasulod ug gawas sa Panabo City. Gipahibalo sad kanila nga adunay “Traveller Tag” o ma “Red Tag” sa mga mascan pasulod sa probinsiya. Mapahibalo kini sa mga establishemento nga bawal na sila pasudlon o “Not Allowed To Access” para magtransact sa mga establishemento nga adunay scanner sulod sa pito (7) ka adlaw gikan pagscan sa checkpoint.

Aduna sad “Red Tag” alang sa mga na PUM. Kini makita sa mga nagscan sa mga establishemento nga adunay QR scanner. Ang Red Tag magpamatood nga ang tao (PUM) anaa pa sa iyang quarantine o isolation period.

Matod pa ni Edwin A. Palero, Department Head sa Provincial Government ug nangulo sa DDN QR code system, nga: “Kung ikaw negosyante og nigawas ka sa (Davao Del Norte) o indibidwal nga nilaag sa laing (Probinsiya o Siyudad) gawas sa (Davao Del Norte), inig balik nimo, automatic naka red tag ang imong QR code ug dili naka angay muadto pa sa imong establishemento o sa ubang establishemento, mag home quarantine gyud ka.”

Alang sa mga trabahante nga nagabyahe gawas ug sulod sa Probinsiya, sila gina awhag ni Governor nga ang destinasyon lang dapat nila kay trabahoan padulong balay (vice versa) lang og dili paadtoon sa ubang establishmento.

Alang sa mga makitang adunay red tag sa scanning, ingon ni Palero nga “Naay number sa LDRRMO nga nakabutang sa scanning og Ikontak sa establisyemento aron ereport ang (taong) naka red tag og dakpon. Didto na sila Ibutang sa isolation facility.”

Gihisgotan pag-usab ang mga protokols sa pagsout sa face mask ug faceshield sa pampublikong lugar ug ang pag disinfect. Lakip niini ang paghisgutan sa tanang panagtapok sama sa, kasal, bunyag o uban pang event nga mangayo og permisyon sa Lokal na panggamhanan. Giklaro sab nila ang mahitungod sa buryal nga lima (5) lang kaadlaw ang haya ug dili mulapas sa 25 ka tao ang mutambong niini.

Ang Executive Order hantod Nobyembre 30,2020, gawas kon undangon o ipadayon.
Atol sa gipahigayong panagtigom, anaa sila City Administrator Pedrito A.Misoles, Provincial Health Officer II Alfredo Lacerona, Chief of Police Atty. PLTCOL Verna L. Cabuhat, ug uban personahe sa City IATF.

Nanghinaot ang kooperasyon sa matag barangay aron makalikay ang tanan sa hulga sa COVID-19.

| Ivory Dawn Balogbog/CIO-PIRO