Nobyembre 18, 2021- Pinaagi sa Safety Seal Inspection Team sa Panabo City, nagawaran na og Safety Seal Certification ang duha (2) ka branch sa Watsons Store nga anaa sa siyudad sa Panabo nga nahimutang sa Gaisano Grand Mall Panabo ug Barrios Building.

Mahinumduman nga pipila na ang nahatagan sa COVID-19 Safety Seal Certification sa siyudad human sila mi subay sa tanang guidelines ug rekisitos sa DILG ug DOH. Ang establisyamento nga adunay COVID-19 Safety Seal Certificate nagapamatuod nga sila nagasunod sa Minimum Public Health Standards.

“Sa mga gusto mo pa inspeksyon, mag e-mail lang mo sa bplspanabo@gmail.com aron ma bisita kamo sa team,“ sumala pa ni Licensing Officer II Cynthia S. Rojo. Padayon gihapon ang pagdawat sa Licensing Office sa mga establisyamento nga interesado nga mahatagan og certification.

| GeneRose Alforque – CIO/PIRO
📸 Licensing Office