Padayon ang pagpahigayon sa Inter-Purok Community Greening Contest sa Barangay Manay diin gilibot sa mga hurado ang dose (12) ka mga purok adtong Nobyembre 18,2021. Daog sa maong patimpalak ang Purok 2 tungod sa ilang gipasigarbo nga komunal garden ug pananom.

Mipaabot sa iyang mensahe si Barangay Captain Hon. Raul Mahipos. Ingon pa niya, “Dako kining tabang sa komunidad ilabi na nga makita ang panaghiusa sa mga tawo sa among barangay.” Iya usab gipasalamatan ang liderato ni City Mayor Jose E. Relampagos tungod sa daghang kalihokan nga napahigayon ug sa iyang dakong suporta sa katawhan.

Ania ang mga midaog ug ilang mga premyo:

1st Placer – Purok 2, P20,000.00;
2nd Placer – Purok 7, P15,000.00;
3rd Placer – Purok 13, P10,000.00; ug
4th Placer – Purok 10, P5,000.00

Ang maong kalihokan inisyatibo sa opisina ni City Mayor Jose E. Relampagos alang sa padayong pagsuporta sa mga barangay sa kahinlo, kahapsay, ug kaanindot sa palibot.

|Ivory Dawn O.Balogbog, CIO-PIRO
📸 Margot Lagura, CIO-PIRO