Sikop sa kapulisan sila Chrisdev Castrojo Boyles alyas “TABA”, 31 anyos nga taga Prk. 4, Kalubihan, Brgy. New Visayas, Panabo City ug usa ka LGU Panabo City employee ug Freddies Velasquez Malia alyas “Bai”, lalake, 47 years old human sa gipahitabong buy bust operation sa Barangay New Pandan adtong Pebrero 19,2022.
Ang duha (2) ka mga suspek anaa na sa kustodiya sa PNP Panabo City aron mapasak-an og kaso nga angay kanila. Nanawagan usab si PLTCOL Atty. Verna L. Cabuhat sa mga nalambigit sa ilegal nga kalihokan nga hunongon na kini ug ginadasig niya ang publiko nga magtinabangay ug magmabinantayon sa palibot.

Dugang pa ni PLTCOL Atty. Cabuhat nga bisan unsang ‘unusual activity’ kinahanglang magpahibalo sa barangay chairman o moreport sa mga personahe sa PNP Panabo alang sa pagtigom og impormasyon o ebidensiya nga motultol ngadto sa laing operasyon.

Nanghinaot ang PNP Panabo nga sa pagkasikop sa maong mga indibidwal, maminusan o mahunong ang kalihokan sa ilegal nga droga sa syudad o sa uban pang lugar.

Anaa mga ahensya sa gipahitabong pagsikop, ang Panabo City Police Station nga gipangulohan ni PLTCOL Atty. Verna L. Cabuhat- Chief of Police, ang mga personahe sa 2nd Davao Norte Provincial Mobile Force Company(DNPMFC) nga gipangulohan ni PLTCOL Frudencio Cajegas, PDEA Davao del Norte, Regional Special Operations Group- Regional Police Drug Enforcement Unit XI (RSOG RPDEU-XI) nga gipangulohan ni PLT Louie Balmori ubos sa direktang pagdumala ni PLTCOL Ronald T. Lao, Chief RSOG RPDEU 11. Nasikop ang maong mga dinakpan tungod sa paglapas sa RA 9165 o ang Comprehensive Dangerous Drugs Act of 2002.

✍️ | Tim Acebedo, CIO-PIRO
📸 | Pnp DavNor Panabo