Usa sa gihatagan og prayoridad ni City Mayor Jose E. Relampagos sa iyang 10-Key Point Executive Agenda mao ang Educational Support diin sa tuig 2020 adunay 101 ka proyekto og 70 na ang nahuman ilalom sa Local School Board. Kasamtangan nga ginapadayon sad ang uban pang mga proyekto susama sa pagconstruct sa mga perimeter fence, pagconstruct ug rehabilitation sa school buildings, ug pagconstruct sa mga library hub ug mini gym.

40 bicycles usab ang gihatag sa Panabo National High School alang sa pagsuporta sa ginatawag nga “Students at Risk of Dropping Out”.
iyaha sad gipataas ang honorarium alang sa mga day care teachers gikan sa five thousand pesos nga nahimo og eight thousand pesos adtong december 2019 ug nahimo nang ten thousand pesos sugod agusto 01, 2020.

Gibutyag usab niya, “Isip amahan sa siyudad, akong siguradohon nga dili masayang ang supporta sa Lokal nga Panggamhanan sa mga kabatan-onan nga adunay dakong posibilidad nga manindot ang ilang kaugmaon.”

Dako usab iyang pagpasalamat kay Deped Schools Division Superintendent Dr. Reynante Solitario ug sa mga school heads, teachers, ug day care coordinators.

|Mel Hilario CIO-PIRO