Tungod sa hingpit na kampanya ni City Mayor Jose E. Relampagos sa Peace and Order sa matag barangay, iyang gipangusgan ang pagsuporta sa mga Barangay Tanod pinaagi sa paghatag kanila og dugang nga honorarium ug insurance gumikan sa ilang kritikal nga trabaho.

“Ako maningkamot sab na mapatas-an ang inyong honorarium kay nakita nako nga gamay lang kini og deserve ninyo na kini mapatas-an,” dungag pa ni Mayor Relampagos.

Ingon pa ni Allan Martinez nga usa ka barangay tanodsa Barangay San Vicente, “Nagpasalamat ko kay Mayor Relampagos kay nakita niya ang amoang kahago.”

Nagpahinumdom si Mayor Relampagos nga mapadayon gihapon ang kahingpit sa seguridad sa matag Barangay og tabangan sab siya sa kampanya kontra droga alang sa kalinaw sa mga barangay. Gawas niini, naka dawat sab sila og tigtulo ka sakong bugas og bag-o nilang uniporme na masout sa ilang pagtrabaho.

Anaa sab si Allan Bascon nga nagpaabot sa mga tanod sa supporta ni Congressman Hon. Allan Dujali.

Tulo ka Barangay ang nabisita ni Mayor Joe karung adlawa, ang Barangay San Vicente, San Pedro, ug Cagangohan.

|Gen Alforque- CIO/PIRO
|📸 – MCG