Nobyembre 21, 2022 — Subay sa pagsaulog sa ika-32nd Library and Information Services Month, nagpahitabo ang Lokal nga Panggamhanan pinaagi sa Panabo City Library kauban ang Panabo City Information Office og usa ka seminar nga Effective Library Services sa ABC Hall, Parks and Plaza, Barangay New Pandan, Panabo City.

Gibahin sa duha (2) ka batch ang maong seminar nga mikabat sa kapin 100 ka mga partisipante ang mitambong. Sa buntag, anaa ang mga barangay kapitan, konsehales, SK chairpersons, ug secretary. Samtang sa sa ika-duhang batch sa hapon, anaa ang mga library in-charge sa matag tulonghaan sa siyudad sa Panabo.

Resource Speaker si City Librarian Enrique H. Donayre sa Tagum City sa maong kalihokan. Iyang gipadayag kanila ang mga angay pagabuhaton sa mga libro nga anaa sa library, paghatag og dugang kahibalo nga dili lamang pagbutang-butang og libro apil na niini ang pagbutang og code sa libro nga dali lamang makita sa mga librarian ug sa mga katawhan nga mubasa sa niini para mas madali usab ang pagretrieve sa maong mga libro.

Anaa DILG City Local Government Operations Officer Yolanda A. Balana, City Information Officer Michael Angelo A. Reuesno nga dala ang mensahe ni City Mayor Jose E. Relampagos sa iyang dakong suporta sa maong kalihokan nga kabahin sa iyang Relampagos 10-Point Agenda nga ‘Educational Support’ ug suportado usab kini sa DepEd Division-Panabo diin gitugotan ang mga library in-charge sa matag tulonghaan nga makatambong sa maong seminar.

|IDOB
Photos| E. Pan, CIO-Multimedia