Libreng vegetable seeds ang gitanyag sa Panabo City Senior High School sa ilang 1000 ka estudyante pinaagi sa ilang Food Always In The Home (FAITH) Program nga usa ka extension sa Gulayan sa Paaralan nga dungan sa ilang pagpanghatag og module. Ang DA-Agricultural Training Institute XI nga anaa sa Barangay Datu Abdul Dadia ang naghatag sa mga vegetable seeds.

Tumong niini nga programa ang pagsustena sa pagtoon sa asignaturang pang-agricultura nga asignatura aron maka kat-on sad sa pagpananom sabay ang pag-amping sa kahimsog sa pangutok aron dili lang mafocus sa paggamit sa mga gadgets.

Gibutyag ni Principal III Myrna E. Purificacion, “Ang liquidation ug monitoring sa maong mga tanom kay pinaagi sa mga report sa mga estudyante.”

Paliton sa DA-ATI XI ug sa Congressional Office ni Hon. Alan R.Dujali ang ma harvest sa mga estudyante. Ang duha ka ahensiya nakipag-alayon sa maong eskwelahan pinaagi usa ka Memorandum of Understanding.

Magpahigayon usab ug training ang Agricultural Training Institute sa mga magtutudlo sa tulonghaan diin etudlo niini kung unsaon ang tamang pagtanom ug pagpatubo sa mga gulay.

| Mel Hilario CIO-PIRO
Photo: M Gentiles