Mayo 20,2021 — Kalipay ug kalingaw ang nahatag sa Relampagos Cares Feeding Program sa 500 ka mga kabataan sa Barangay Buenavista, San Nicolas ug Tagpore pinaagi sa pagpadula ug pagpakita og magic show gawas sa pagkaon nga masustansya. Gipahigayon ang programa pinaagi sa pagsunod og health protocols batok COVID-19.

Ingon pa ni Local Youth Development Coordinator/Feeding Program Organizer nga si Reynard Engada nga paningkamutan sa Relampagos Cares nga mahatagan og kaayohan sama sa feeding program ang 40 ka mga barangay sa siyudad. “Dili mi kapuyon sa paghatod sa mga programa ni Mayor Jose E. Relampagos alang sa atong mga katawhan sa mga lagyong barangay,” dungag pa niya.

Ang kalihokan programa ni City Mayor Jose E. Relampagos pinaagi sa opisina sa Local Youth Development Office ug City Sports Development Program. Anaa usab ang presensya ni Barangay San Nicolas SK Chairperson Hon. Mike Cañeda ug mga kasundaluhan sa 27th Infantry Batallion alang sa kahapsay sa lugar.

Muabante ang Relampagos Cares Feeding Program sa Barangay Kiotoy, Maduao, Sta. Cruz, ug Upper Licanan sa Mayo 27, 2021.

| Sonny L. Calizar, CIO – PIRO
📸 | Ivory Dawn Balogbog