Gisugdan na ang Kick-Off Ceremony sa Fire Prevention Month Celebration subay sa temang “Sa Pag-iwas sa Sunog, Di Ka Nag-iisa.” Opisyal kining gi ablihan ni Provincial Fire Director FSUPT Vilner N. Avillon adtong Marso 1, 2022 subay sa Presidential Proclamation No. 115-nga nag mando sa pagselebrar sa Fire Prevention Month matag Marso kada tuig.

Nagsugod ang selebrasyon og motorcade kauban ang BFP Panabo personnel. Suportado usab kini sa ubang mga ahensiya sa gobyerno ug organisasyon sulod sa siyudad sa Panabo.

Atol sa seremonya, nagpakitang gilas ang mga mascot sa BFP sa ilang pagpasundayag sa ilang tiktok dance ug mikantab usab ang usa sa ilang personahe nga si FO1 Kenny A. Sagayno aron haranahon ang mga mitambong sa kalihokan ug gi hatagan usab ang mga personahi og plaque of appreciation apil na si Provincial Fire Director Avillon ug alang kay Mayor Jose E. Relampagos.

Sa sulod sa usa ka bulan, adunay gi andam ang BFP nga mga kalihokan sama sa Oplan Ligtas Pamayanan nga nagaronda matag barangay alang sa kanunayng paghatod sa katawhan kaalam aron makalikay sa sunog nga posibleng mahitabo.

Ginaselebrar ang Fire Prevention Month aron nga mahatagan ang katawhan og dugang kaalam kabahin sa sunog o fire awareness aron sila ma edukar sa hustong buhaton oras adunay sunog o kalamidad.

Mamahimong mo follow sa City Government of Panabo Facebook page alang sa dugang detalye.

| Gene Alforque- CIO/PIRO
| Photo – E. Pan, R. Cayas, F. Paculanang