Nadawat na sa dose (12) ka mga senior citizen ug Person with Disability (PWD) sa nagkadaiyang barangay sa siyudad sa Panabo ang libreng wheelchair o ‘Free Wheelchair Mission’ nga gikan sa Dole Philippines, Children International, ug Kasilak Development Foundation Inc. (KDFI) kauban ang Lokal nga Panggamhanan pinaagi sa CSWDO – Office of the Senior Citizen Affair (OSCA) nga gipahitabo sa OSCA Office, Barangay New Pandan adtong Septiyembre 20, 2022.

Usa kini ka programa nga layon ang matabangan ang katawhan ilabi na ang kadtong mga nanginahanglan gayud sa maong mga wheelchair na mas mahimong produktibo ang ilang pagkinabuhi sa matag adlaw bisan paman sa kalisod sa paglihok ug maharuhay usab ang mga pamilya nga naga atiman kanila pinaagi sa maong device.

Sa pagpaningkamot sa Lokal nga Panggamhanan pinaagi sa City Social Welfare and Development Office naka kita sila og mga partner agencies nga makasuporta ug maka sponsor sa maong wheelchair.

Sa maong higayon, mihatag sa iyang mensahe si KDFI Executive Director Jomel S. Montebon nga usa sa mga partner agency nga mi sponsor sa maong wheelchair. “Malipayon kami ang Kasilak Development sa kini nga engagement, nanghinaot mi nga dili lang diri taman ang collaboration ug partnership.”

Mipaabot usab si Executive Secretary Josie Marie G. Relampagos isip representante ni City Mayor Jose E. Relampagos og mensahe alang sa mga benepisyaryo ug ang pagpasalamat sa mga panter agencies sa kanunay nga pagsuporta sa mga senior citizen ug PWD sa LGU Panabo. “Dako kaayo kining impact sa mga pamilya nga nahatagan ug happy ako nga makita kini nga mga programa nga nadawat sa siyudad sa Panabo ug sa mga katawhan gikan sa mga tabang sa atong mga partner agencies”, dugang pa ni ES Relampagos.

Anaa usab sa maong kalihokan, sila OSCA Head Bedim Macaraa, Dole HR Officer Junivie Guitguikin, Dole Company Nurse Gretchen Legitimas, Social Welfare Officer III Sheila M. Caval, KDFI, KDFI Area Coordinator Beato lluvit, Charles Lansita KDFI Procurement Officer, Argie Abside KDFI Office Staff, Wilfred Oville Employment Engagement Unceliary Services Senior Head Dole Philippines.

🖊Ivory Dawn Balogbog, CIO – Research Unit
📸Quinn Villahermosa, CIO – Multimedia