September 19, 2022 — Gisaysay ni PLTCOL Adelon M Caacbay nga adunay pagnaog sa krimen gikan adtong tuig 2019 pinaagi sa striktong implementasyon sa balaod labi na sa illegal nga droga ug resitriksyon sa pandemiya. Gibutyag niya sa panagpulong sa City Peace and Order Council nga ang kawat (Theft) nga maoy pinakataas nga kaso sa ni-aging mga tuig, minaog og 13 ka mga kaso gikan sa 50.

Sa rape, adunay pagtaas sa kaso adtong tuig 2021 apan ning naog ang numero niini karong tuiga. Usa ka nakitang hinungdan nganong ni naog ang kaso sa rape mao ang posibleng pagpanagana sa pagreklamo ngadto sa kapulisan. Gi-awhag ni Caacbay nga dili magduha-duha og report kanila kung sila biktima sa rape o pag-abuso.

Sa laing bahin, walay na report nga insidente sa motornapping sa tuig 2022 kumpara sa unom (6) ka kaso sa tuig 2019.

Gihatagan usab sa kapulisan og dakong prayoridad ang kampanya batok droga, criminal gang members, Kontra Boga o ang pagtarget sa gabitbit og unregistered ug unlicensed nga baril, traffic law ilawom sa Republic Act 4136, ug curfew hour implementation.

Nagdala sa panagpulong mao si CPOC Vice Chairperson ug kasamtangan nga City Vice Mayor Gregorio U. Dujali III. Anaa usab si SP Chairperson of the Committee on Peace & Order Hon. Conrad Theodore A. Matutino, DILG-CLGOO Yolanda A. Balana,MPA, City Administrator Pedrito A. Misoles, City Information Officer Michael Angelo Resueño, Acting City Health Officer Dr. Eranie L. Pangilinan, IPMR Hon. Rodrigo Ambasan, 89th IB LTC Donald P. Gaffud, CADAC Action Officer Roqueos L. Cimafranca ug mga representante sa DepEd, DAR, BFP, ug ubang departamento.

Ang City Peace and Order Council gipanguluohan ni City Mayor Jose E. Relampagos ug gipahitabo kini sa City Mayor’s Conference Room, New City Hall.

✍️Dolly Amag, CIO-PIRO
📸Francis Paculanang, CIO-Multimedia