Sa mensahe ni Governor Edwin I. Jubahib bahin sa bagong Executive Order No. 26 o ang pagpailawom sa Probinsiya sa Davao del Norte sa General Community Quarantine (GCQ) hangtod Hunyo 30, 2021, nahisgutan niya nga naga taas ang kaso sa COVID-19 sa tibook probinsya. Tungod niini, na puno na ang mga balay tambalanan, ma pribado man o ma publiko, ug nag kulang na usab ang mga medikal equipment.

Temporaryong naka Home Quarantine ang adunay mga exposure sa nag positibo sa COVID mahitungod nag kulang na ang mga isolation facilities ug e-transfer lamang sila inig mabakante na ang mga pasilidad o hospital.

Saysay pa ni Governor, “Kanunay pud maminaw sa mga anunsiyo gikan sa panggamhanan ug angay buhaton aron malikayan ang pag kuyanap sa COVID-19.” Iyang hangyo nga sundon ang Executive Order lakip na ang minimum health protocols. “Gina awhag pud nako mong tanan nga magpa-bakuna kontra COVID-19 sa pag-abot sa inyong turno.”

#OneTeamOneDavNor

| M. Gentiles

https://www.facebook.com/1davnornetworkofficial/videos/3007326829552393