Nakab-ot sa pamilya ni Geroncio Gementiza nga taga Barangay New Malitbog ang Huwarang Pamilya 2021 award nga adunay tema nga “Pamilya at Teknolohiya: Magkabalikat Mapagtagumpayan ang Hamon ng Pandemiya”. Subay kini sa selebrasyon sa Family Week nga gipahigayon sa City Social Welfare and Development Office. ” Pito (7) ka pamilya sa lain-laing Barangay sa siyudad sa Panabo ang nominado sa maong patimpalak, og sila mao ang pamilya nga gilangkoban sa mag asawa nga naga pakita og gugma ug respeto sa usat-usa, gugma lang sa mga anak, anak ngadto sa ginikanan, ug pamilya nga aktibo sa kalihokan alang sa paglambo sa komunidad.

“Maskin paman adunay Pandemiya anaa ang akong pamilya nga andam mi tabang sa akoa,” matod pa ni Gementiza sa iyang inspirational message human sila gi nganlan nga nakadaog sa patimpalak. Nadawat usab sa pamilya ni Hermogenes L. Ruta nga taga Barangay JP Laurel ang 1st place ug 2nd place sa pamilyang Russel nga taga Barangay San Nicolas.

Nagpaabot usab sa iyang mensahi si City Mayor Jose E.Relampagos pinaagi ni Banwag Focal Person Allan Sarabia matod pa niya nga magpabilin unta ang gugma matag pamilya aron ma mintinar ang kalinaw sulod sa usa ka panimalay. Anaa usab sa patimpalak si Jeannette Lamoste Assistant Department Head sa CSWDO, Melvina Dominggo Section Head -Operation Section sa CSWDO, Mary Anne Eblamo, DSWD CAT Leader, Barangay Captain Richard J. Ocay sa JP Laurel, Brgy. Captain Angelita B.Rosel sa San Nicolas, ug Kagawad Aracile Arcena sa Brgy. New Malitbog.

Lauman nga sa tuig 2022 aduna pay nominasyon alang sa Huwarang Pamilya 2022.

Gene Alforque- CIO/PIRO
📸 – Aljun Castilla