Adunay panagpulong kabahin sa Mindanao Railway Project (MRP) sa apektadong walo ( 8 ) ka mga barangay sa Panabo. Ang panaghisgut nahitabo sa Barangay Gredu Gym, Panabo City adtong Nobyembre 23, 2021.

Mikabat 145 ka pamilya sa siyudad ang maapektuhan, 91 ang informal settlers niini ug 44 ang formal settlers. Ang mga tag-iya sa tituladong yuta ipaagi sa Department of Transportation (DOTr) samtang ang mga informal settlers, hatagan og relocation site sa LGU Housing nga pilian sa mga luna sa mga barangay Datu Abdul, Maduao, o Quezon.

Ang MRP adunay katas-ong 830 km-long, 105 km niini mao ang phase 1 nga Tagum-Davao-Digos segment o TDD. Adunay 8 railway stations nga itukod sa Tagum, Carmen, Panabo, Mudiang, Davao Terminal, Toril, Sta. Cruz, ug Digos. Ang mga apektadong barangay sa siyudad nga maigo sa MRP mao ang San Nicolas, Tagpore, Quezon, Southern Davao, Datu Abdul Dadia, Little Panay, Maduao, ug New Visayas.

Sa katibuk-an, naghatag ang mga personahe sa MRP og mga safety measures, mga senaryong posibleng mahitabo nga kabag-ohan ilabina ang epekto sa konstraksyon sa katilingban, ug mga angay ug dili angay na buhaton sa mga residente oras na sugdan na ang pagahimoon nga railway sa lugar. Aduna usab nahitabong open forum diin nagpagawas og mga pangutana o concerns ang mga apektado.

Anaa sa kalihokan si City Administrator Pedrito A. Misoles, Community Development Officer V Atty. James Adam S. Zorobrado, MRP-PMO Environmental Managemental Specialist na sila Shahnen Lian T. Baring ug Joszia Ruth I. Alulod, Housing and Homesite Regulation Officer II Aljonirry M. Narvasa ug mga personahe sa City Engineering Office, ug City Planning and Development Office.

l M. Lagura
Photos: June Geraldo