Giturn-over na ni City Mayor Jose E. Relampagos ang insurance alang sa mga barangay health workers (BHW) adtong Oktubre 21, 2021 nga gipahitabo sa City Mayor’s Conference Room, Panabo City Hall. Gihatagan sila og insurance aron dugang benepisyo alang kanila ug aron masiguro nga pinansyal nga luwas ang mga BHW sa pag-atubang sa maskin unsang problema sa kinabuhi.

Nalipay og maayo si Norma Maria S. Dayrocas, usa ka BHW president sa barangay Sindaton kay nakadawat sila og benepisyo gikan kay City Mayor Relampagos. Dugang pa niya, “Mapasalamaton kaayo ko kay natan-aw ni Mayor Relampagos ug nag inisyatibo dayon siya nga mahatagan mi og insurance.”

Sumala pa ni City Mayor Relampagos nga isa sa mga pokus niya kay ang mahatagan og dugang benepisyo ang mga barangay functionaries nga kabahin ang mga BHW. Maong nag inisyatibo si City Mayor Relampagos nga mohatag og insurance alang kanila. Dugang pa niya, “Kinahanglan adunay benepisyo sama sa insurance ang mga BHW hilabi na karon nga luyo kita sa pandemya. Kini akong gipaningkamotan kay aron wala namoy huna-hunaon kung magkinaunsa.” Subay niini, gipaningkamotan usab ni Mayor Relampagos nga mapatas-an pa ang honorarium sa mga BHW aron mabayaran og sakto ang ilahang kahago.

Anaa usab sa turn-over ceremony ang 40 ka mga BHW Presidents, Hon. Janno Paolo Gentiles, ug si Hon. Emeterio Blase.

| Tim Acebedo, CIO-PIRO
📸 | Rommel Cayas, CIO-Multimedia