Gidawat ni Leopoldo Eugenio, usa ka pedicab driver nga nagpuyo sa Prk.7-B Robiso 1, Southern Davao, Panabo City ang Honesty award isip usa ka matinud-anon nga residente sa Panabo City human niya giuli ang cellphone ug driver’s license sa iyang pasahero Alas Dos sa hapon niadtong October 13, 2021.

Sabay sa maong seremonyas, ang Lokal nga Panggamahan pinaagi kay Executive Secretary, Josie Mary G. Relampagos nga naghatag og cash award ug token isip pasalamat sa kamaayo ni Eugenio adtong October 22, 2021.

Malipayon nga nagpasalamat ang tag-iya nga si Cheryl Calamba Garcia, usa ka online seller, nga nauli dayon ang iyang gamit. Matod pa niya, nga wala niya nahibal-an nga nawala ang iyang gamit kung wala kini gibalik ni Eugenio didto sa Purok 4, Barangay New Visayas, Panabo City.

|Q. Villahermosa, CIO-Multi Media