November 11, 2022 – Padayon ang pagpahimangno sa tanang partisipante sa Investment Awareness Forum nga magmabinantayon sa mga online scam sa mga social media. Ang maong panagtapok gipangunahan sa Lokal na Panggamhanan sa siyudad sa Panabo sa suporta ni Mayor Jose E. Relampagos, pinaagi sa Panabo City Investment Promotion Center ug sa pakig-alayon sa Department of Trade and Industry (DTI) Negosyo Center Davao de Norte nga gipahitabo sa PCGEMPC Function Room, New City Hall Compound, Panabo City.

Gideklara ni kanhing President Rodrigo R. Duterte adtong Nobyembre 08, 2021 nga ang ika-duhang semana sa bulan sa Nobyembre pagahimuon ang panagpulong o forum nga “Investor Protection Week” subay sa Proclamation No. 846. Mihatag og mensahe si Securities Counsel II Atorney Emee Villsenda kabahin sa Investor Education and Protection. Gipakita usab ni Kristofer Chan, representante sa DTI ang Digital Consumerism kung diin ang pagpamaligya ug pagpalit sa online dali lang kaayo apan kinahanglan nga susihon usa kung unsa ka legit ang baligya. Matod pa ni Chan, “PM is not the key, kinahanglan nga ibutyag sa namaligya online ang price tag sa maong produkto.”

Ang President sa Panabo Banker’s Association/Branch Manager sa RCBC-Panabo nga si Marjorie P. Alo, mihatag og pahimangno nga dili magpa- ilad sa nagkatag nga online scam. “Think before you click aron dili magmahay ug kwarta mahapay. Walay malampusong mangingilad kung walay magpa-ilad”, ingon pa ni Alo. Gibutyag usab niya nga adunay mga pipila ka mga depositors nga nawad-an sa dakong kantidad kay aduna silay na click na mga fraud messages.

Sa katapusan, adunay open forum. Anaa usab sa panagpulong, si Project Development Officer II, PCIPC Brian G. Delusa, Manpower Development Assistant Mitch D. Ramos, Regional Director –SEC XI Attorney Katrina Jamilla B. Poco- Estares, Assistant Department Head Brenda Sauping (CADO) isip representante ni Mayor Relampagos, Senior Business Councilor Michael Bumaya isip representante ni Provincial Director ,DTI-DDN Director Romeo L. Castañaga.

✍️Dolly G. Amag, CIO-PIRU
📸Emman Pan, CIO-Multimedia