November 14, 2022 – Malampusong gipahigayon sa LGU Panabo sa pagpangulo ni City Mayor Jose E. Relampagos ang Children’s Congress pinaagi sa City Social Welfare Development Office (CSWDO) na adunay temang, “Kalusugan, Kaisipan, at Kapakanan ng Bawat Bata Ating Tutukan”. Gipahitabo sa Panabo City Government Employees Multipurpose Cooperative (PCGEMPC).

Ang Children’s Congress usa ka programa sa siyudad alang sa mga kabatan-onan diin ilahang ipaambit ang kahimtang nga may kalabotan sa kahimsog, mental ug kaayohan sa ilang mga kalihokan sa pagsagubang panahon sa bag-ong normal, ug pagrekomenda og mga polisiyang makatabang sa ilahang kaugalingon. Ang aktibidad magdugay sa tulo (3) ka adlaw sugod Nov. 14-16, 2022.

Sa panaghisgut, gipangunahan kini sa mga miyembro sa Talikala Inc.,usa ka NGO sa Davao City, sila Maria Rosario Almazan ug Krizza Joy Maghari. Gipatugbaw kanila ang kahimuan bahin sa Violence Against Children (VAC) lakip na ang mga katungkod na gilangkuban sa United Nations Convention on the Rights of the Child (UNCRC).

Sumala pa ni CSWDO Child and Youth Welfare Section Head Melvina A. Domingo, nga mao kini ang pinaka-unang Children’s Congress nga gipahitabo sa Lokal nga Panggamhanan. “Nagpasalamat gyud mi ni Mayor Relampagos, tungod gihatagan gyud me niyag pundo aron makamugna gyud me aning Children’s Congress”, dugang pa niya.

Mipartisipar sa kalihokan ang mga miyembro sa Barangay Council for the Protection of Children (BCPC), St. Therese Crisis Center for Girls & Women ug St. Joseph Pag – Asa Home.

Sa ikaduha ug ikatulong adlaw,salmotan kini og mga partisipante sa Elementary ug High School SPG, ug SSG Officers.

Sa kalihokan anaa sila Lory Pabunag miyembro sa Talikala, Inc. ug mga personahe sa CSWDO.

| M. Gentiles
📸 A. Castilla & R. Cayas