Gidasig sa City Health Office ang mga inahan nga maplanohan ang pagbuo sa pamilya adtong adlawng Hulyo 1, 2020 aron maka desisyon sila sa pagplano sa pagpanganak.

“Andam ang programa nga matubag ang ilahang maayong pagplano sa ilang pamilya,” sumala pa ni Mafel R. Mugas,RN, Family Planning Program Coordinator. “Dugang niya nga ang maayong pagplano para sa pamilya pamaagi nga malikayan ang kalisod sa umaabot nga panahon bisan paman anaay hulga sa Pandemiya.”

Ang Barangay San Pedro ang usa sa gihatagan og pahibalo pinaagi sa information drive. Usa sa gi duso sa CHO kay ang Contraceptive Implant nga usa ka device nga ginabutang sa bukton sa mga babae aron mo pugong sa pagbuntis. Gisiguro sad sa CHO nga dili maka daot ang Contraceptive Implant ug ubay-ubay na ang nagagamit niini na walay gipamati sa kalawasan.

Ang Barangay Manay giskedyul sa Hulyo 19,2020 apan ang skedyul sa uban barangay e anunsyo lang sa CHO.

Gisiguro sad sa CHO nga gasunod sila sa Safety Protocols batok COVID-19.

|Gen Alforque/PIRO