Abril 20, 2021 – Kauban na karon ang mga kabataan sa Barangay JP Laurel sa pagkab-ot og kalinaw pinaagi sa gipahitabo nga Kabataan Kontra Droga at Terorismo (KKDAT) sa Barangay J.P Laurel Covered Court, Panabo City. Gipangunahan ang maong aktibidades sa Panabo City Police Station pinaagi sa Provincial Community Affairs and Development Unit (PCADU).

Gibuhat kini nga lakang sa PCADU aron maluwas ang mga kabatan-onan gikan sa illegal na droga ug sa pag-apil sa aktibidades sa terorismo ilabi na nga sila ang pinakadali na madani niini nga mga butang.

Matod pa ni PCMS Randy E. Sta. Maria nga “Gi tap sa atong President ang mga kapulisan sa nasod kay vulnerable ang mga batan-on ngadto sa droga. Ikaduha, ang mga kabatan-onan karon gipangrecruit napud sa pikas aron makig-away ug makig-isog sa kahig-usa.”

Naghatag usab og mensahe ang usa ka partisipante na si Lien S. Cabigon, “Akong message sa mga kabatan-onan nga bisag unsa kalisod sa kinabuhi, di gyud nato itake ang mga evil nga mga buluhatunon. Kung naa moy problema, you can speak-up or talk to someone nga makatabang sa imoha.”

MJ Curaming
📸 Margot Lagura