Nadugangan nasad og 155 ka mga kabataan nga benepisyaryo sa “Tuli Mo, Sagot Ko” Program ni City Mayor Jose E.Relampagos gikan sa Barangay Consolacion, Kasilak, ug Malativas adtong adlawng miyerkules Abril 21,2021 sa Barangay Consolacion Covered Court. Gikan sa pagsunod niini adtong Abril 7, aduna nay 1,014 ka mga benepisyaryo ang maong programa.

Gimugna ang programa alang usab sa mga ginikinan aron makapahimulos sila sa libreng serbisyo gikan sa Lokal nga Panggamhanan sa Panabo aron ma minus-minusan ang galastohon sa mga ginikinan panahon tulion ang ilang mga anak.

“Kini nga kalihokan gipangandaman gyud sa mga ginikanan nga naay anak nga lalaki pero kini gihatag sa LGU Panabo ug Mayor Joe sa inyoha nga libre labaw na karon anaa ta sa pandemiya,” matod pa ni Executive Secretary to the City Mayor Josie Mary Relampagos. Aduna usab kalingawan sama sa Magic Trick show, food packs, ug libreng tambal alang sa mga nagpatuli.

Magpadayon ang “Tuli mo, Sagot ko” sa North District nga mga kabarangayan sa Panabo og magsugod kini sa Barangay Dapco, Manay, ug Dalisay og kini pagahitaboon sa Manay Gym karong Abril 26, 2021 adlawng lunes. Gina awhag ang tanan ginikinan nga magpa lista sa Barangay Hall sa bout mo pahimulos sa libreng serbisyo.

| Gen Alforque – CIO
📸 | MCG