Abril 19,2021 – Wala nagpaulahi ang 108 ka mga kabataan sa Barangay Cacao, Kauswagan, ug Waterfall sa gipahitabong “Tuli mo, Sagot ko” Program ni City Mayor Jose E.Relampagos pinaagi sa pakig-alayon sa City Health Office ug 27 Infantry Batallion.

Matod pa ni Dr. Monica Dianne Jualo nga ginapahigayon ang tuli sa mga lalaki aron ma mentinar ang kalimpyo sa ilang kinatawo og luwas sila sa impeksyon sama sa Urinary Track Infection o UTI. “Kinahanglan pud nila kini aron makatabang sa ilang growth,” dungag pa ni Dr. Jualo.

Si Elizabeth Parason, 34 anyos, nga lumulupyo sa Barangay Cacao, mapasalamaton tungod na libre kini. “Pasalamat ko kay libre ni. Mahal baya kaayo ang tambal og patuli” matod pa ni Parason

Magpadayon ang “Tuli mo, Sagot ko” Program sa Barangay Consolacion, Kasilak, ug Malativas sa Barangay Consolacion Covered Court karong miyerkules, Abril 21,2021.

| Gen Alforque – CIO
📸 – MCG