Nagpadayon gihapon ang Business-One-Stop-Shop o BOSS sa Barangay San Pedro diin gigahinan og duha (2) ka adlaw ang programa sugod adtong Abril 19, 2021. Sa unang adlaw pa lang, kapin 50 na ka mga business owners ang nagparehistro ug renew sa ilang mga negosyo.

Sumala pa ni Licensing Officer II Cynthia S. Rojo nga “Importante ni siya ug naa ni sa ordinansa nga any person nga nagconduct og business in the city kailangan gyud naay business permit. Kung ma-inspect ilang tindahan nga walay permit, naa gyud na silay mga penalty na macharge sa ilaha.” Sa mga tag-iya og sari-sari store nga wala ka renew, aduna masdako nga pagabayaran nga penalty. “Adunay basic penalty na ipahamtang sa ilaha 25 porsyento sa business tax nga ilang bayaran mas dako jud siya.”

Gimungkahi ni Marilyn M. Canque nga tag-iya og sari-sari store ang iyang experience sa pagproseso sa business permit. Ingon niya, “Okay ang akong pagprocess karon, dili na hasol na muadto pami og City Hall para magparehistro ug importante nga magrenew kay maulaw ta nga atoa ning obligasyon.”

Gipahigayon kining Barangay level BOSS sa tanang barangay sa siyudad sa Panabo City aron sa pagproseso og Business Permit diin importante kaayo nga makaparehisto ang adunay mga negosyo.

Sa adlawng Abril 21-22, 2021, adunay BOSS alang sa taga Barangay Salvacion.

|Ivory Dawn Balogbog, CIO-PIRO
📸| CIO