Agosto 2, 2021 — Direktiba ni City Mayor Jose E.Relampagos sa Solid Waste Management Patrolling and Enforcement Team nga magpahigayon og monitoring alang sa kahinlo sa Panabo Public Premiumed Market.

Nagpahimangno ang grupo sa mga namaligya nga limpyohan ug atimanon kanunay ang ilang mga pwesto isip responsibilidad nila nga mahilayo sila sa sakit nga dala sa hugaw.

Sa kalihokan, nagpasalamat ang Solid Waste Management Patrolling and Enforcement Team kay abtik nga nitugon ang mga tenant sa pagpanglimpyo sa ilang tugkaran. Kauban kanila sa pagmonitor ang Civil Security Unit.

Padayon gihapon ang Lokal nga panggamhanan sa pag-implementa sa disiplina ngadto sa katawhan hilabi na sa mga pampublikong lugar sama sa Panabo Public Premiumed Market.

| Tim Acebedo, CIO-PIRO
📸 CENRO