Miarangkada ang serbisyo sa City Environment and Natural Resources Office sa Barangay Tibungol aron mapahigayon ang “Alalay sa Barangay” o Garbage Collection Services adtong Agosto 2,2021.

Usa kini ka programa ni City Mayor Jose E.Relampagos aron matabangan ang matag barangay sa pagkolekta sa ilang mga basura. Sigun usab kini sa mga molo sa matag barangay nga dugay makuha ang ilang mga basura.

Wala nagmakuli ang LGU-Panabo nga tabangan ang katawhan aron makita ang kahinlo ug kahapsay sa mga komyunidad.

Ingon pa ni Executive Assistant III to the City Mayor, Jo-Anne Relampagos Capuyan, nga kinahanglan magtinabangay ang tanan aron sa kasulbaran sa maong problema. Dugang niya, “Dili man urada ang pagsulbad niini apan sa pagtinabangay, makita nga ang tanan andam masinati ang kabag-ohan na makabenipisyo ang tanan.”

Mensahe ni Section Head sa Solid Waste Management, Norollah B. Pelayo, nga magtinabangay sa pagdumala sa mga basura isip responsibilidad kini sa mga katawhan ngadto sa kinaiyahan.

|IDOB
📸| CENRO-PANABO