Mayo 27,2021 — Kalipay ang nasinati sa 600 ka mga kabatan-onan gikan sa mga Barangay Sta. Cruz, Kiotoy, Upper Licanan, ug Maduao sa gipahitabong Relampagos Cares Feeding Program sa covered court sa matag barangay. Gawas sa paghatag og masustansyang pagkaon, adunay mga padula ug magic show ang gihatag alang sa mga kabatan-onan.

Sumala pa ni Feeding Program Acting Coordinator Juvela Mae Abangan nga dili katupngan ang kalipay samtang iyang nakita ang mga pahiyom sa mga kabataan. “This is the first time na upat na barangay ang atong giadtoan. Nagdouble time gyud ang team to provide good service alang sa atong katawhan pero worth it ang kakapoy after seeing these kids happy sa ilang nadawat,” dungag ni Abangan.

Nalipay usab si Jennifer Tosoc, 28 anyos, nga taga Barangay Maduao diin usa iyang anak sa nakatagamtam sa programa ni Mayor Joe, “Salamat kaayo sa aning opportunity nga naapil among mga anak, nalipay kaayo sila.”

Ang Relampagos Cares Feeding Program usa ka programa ni Mayor Jose E. Relampagos pinaagi sa Local Youth Development Office kauban ang City Sports Development Program. Anaa usab ang presensya sa kasundaluhan sa 27th Infantry Battalion alang maghatag og kahapsay sa lugar.

Sa Hunyo 3, 2021, moarangkada ang feeding program sa Barangay Dapco, Manay, ug Dalisay.

Gipahitabo ang kalikohan subay sa pagsunod sa heath protocols nga mando sa Department of Health batok COVID-19.

| Sonny L. Calizar, CIO – PIRO
📸 | Ivory Dawn Balogbog