Padayon sa mga barangay Cacao ug Katipunan ang programang Kabataan Kontra Droga at Terrorismo sa PNP Panabo nga ang tinguha kay ma edukar ang kabatan-onan kabahin sa illegal nga droga og terrorismo o mga kalihokang bayolente nga makaapekto sa katilingban para sa personal o politikal na tumong. Ang kalihokan subay sa Executive Order No. 70 o ang End Local Communist Armed Conflict o ELCAC ni Presidente Rodrigo R.Duterte, lakip man sa 10-point Agenda ni City Mayor Jose E.Relampagos nga Peace and Order Initiatives.

Gisaysay ni PSMS Randy Sta. Maria sa PNP Panabo ang mga impormasyon ug ang posibleng mahitabo sa mga kabataan kung mosulod man sila niining mga kalihokan. “Anaa mi sa gobyerno karon kay naningkamot mi nga dili paapil sa mga ginadili na kalihokan,” sumala pa ni Randy Sta. Maria. “Kamo maningkamot ug mokaisa sa gobyerno. Eventually, masuccessful mo puhon,” dungag pa niya.

Nagpahigayon usab sila og KKDAT election aron adunay koordinasyon ang mga kabataan sa barangay sa mga kapulisan ug LGU. Ang mga elected officials mamahimong mo representa sa ilang mga barangay sa nagkadaiyang kalihokan alang sa peace and order sa siyudad.

| ✍Gen Alforque – CIO
📸 | MJ Curaming