Kapin 2100 ka mga registered Persons with Disability ang makadawat og rasyon ug medical kits gikan sa probinsya. Kini inisyatibo ni Governor Edwin I. Jubahib isip pagpangandam sa National Disability Prevention and Rehabilitation (NDPR) Week Celebration.

Ang pagselebrar sa NDPR Week kay mosunod gihapon sa protocol sa DOH. Gibutyag ni Social Welfare Officer III Sheila M. Caval, “Nakabarangay schedule ang pamaagi sa pagpanghatag sa mga relief goods ug medikal kits para malikayan ang pagdagsa ug pagtapok tapok.”

Giklaro usab ni Caval, “Kung kinsa lang tong naa sa list of registerd PWD mao lang ang matagaan.”

Usa sa nakabenepisyo nga PWD mao si Jeremy Maynagkot uban ang iyang lola na si Adela Maynagkot. Matod pa ni Adela, “Nagpasalamat ako og dako kay Governor Edwin I. Jubahib kay usa ang akong apo sa napili ug tagaan aning wheelchair ug mga hinabang. Dako na kaayong tabang kini ka namo.”

Laoman na sugod lunes, ipanghatag taga-barangay ang mga rasyon ug medikal kits.

Alang sa dungang pangutana mamahimong mo bisita sa OSCA Office kilid sa New Pandan Hall, Panabo City.

| Mel Hilario CIO-PIRO