Pebrero 14, 2022 – Gipagawas sa RaJOE Serbisyo ang mga katikaran panahon sa Kasalan. Ang Lokal nga Panggamhanan sa Panabo pinaagi sa City Civil Registrar’s Office (CCRO) magpahitabo og Kasalan ng Lungsod sa bulan nga Marso 18, 2022 ngadto sa Panabo Gym. Subay kini sa Civil Registration Month na adunay temang, “Improving Registration and Vital Statistics, Implementation Strategies through Digital transformation.”

Ang Kasalan ng Lungsod gipahigayon tungod sa inisyatibo sa CCRO na mahatagan og oportuindad ang mga nagpuyo isip managti-ayon na walay dakong budget sa pagpakasal ug ang makasal nga legal. Matod pa ni CGDH-CCRO Evelyn A. Somozo, “Foundation sa pamilya na makasal ang magtiayon aron sa (paglig-on) sa pamuyo.” Prayoridad sa maong kasalan ang mga namuyo sa siyudad o maskin isa sa magtiayon kay taga-Panabo. Adunay bayad na P250 para sa pagparehistro sa Marriage Certificate. Base sa datos sa CCRO, kapin 25 na ang nakaparehistro gawas sa 100 ug kung dili maabot sa target nga ihap, laoman nga adunay sunod nga batch sa kasalan ng lungsod ang mahitabo sa bulan sa Hunyo.

Sa pag-proseso sa mga rekisitos, gikinahanglan na i-comply kini tanan kay adunay posting sa 12 ka adlaw ug modawat ang opisina sa CCRO nga maulahi ang Pre-Marriage Counseling Certificate basta mahatag kini sa wala pay Marso 18. Alang sa mga nag-edad 18 – 25 anyos na magpakasal, personal kamo na mag-atubang kauban ang ginikanan sa registrar’s office isip Parent’s Consent kay adunay permahan. Mamahimong i-click ang link alang sa kumpletong listahan sa mga rekisitos: https://m.facebook.com/story.php?story_fbid=316741550492470&id=100064698816210
Sa panahon sa pagpakasal, duha lamang ka witness ug ginikanan sa mga magtiayon ang dalaon aron mamintinar ang public health protocol. Kinahanglan na magdala og kaugalingong singsing, Aras, ug magsoot og tamang bisti. Pwede makasal ang katong mga annulled na gawas lang kung adunay papeles o court order na maipakita sa CCRO.

Sa pikas bahin, nagsaulog og Civil Registration Month karong bulana ang CCRO ug aduna silay ubay-ubay na mga katikaran sa opisina apil na ang CCRO Information Dissemination sa kada barangay, Nationwide Essay Contest ug Quiz Bee na representantehan sa ilang mga personahe, ug Re-Orientation seminar on civil registration para sa mga solemnizing officers, hospital, ug clinic clerks na mahitabo sa Pebrero 28.

Sa gusto motan-aw sa katibuk-ang programa, i-click ang link: https://fb.watch/b9JeGBi8X-/

l M. Lagura