Giistoryahan sa programang RaJoe Serbisyo sa kahanginan sa 94.3 FM adtong Pebrero 15, 2022 kung unsaon pagpahimsog sa panglawas hilabi na sa mga kabataan ug ang mga programa sa Lokal nga Panggamhana isip lakang aron mokunhod ang malnutrisyon kauban si Nutrition Section Head Lovella Y. Fontanilla.
Butyag ni Fontanilla, nga bisan pa adunay hulga sa pandemya padayon gihapon ang paghatod sa mga programa sa Lokal nga Panggamhan aron mapaabot ang serbisyo sa katawhan.
Ang mga programa sama sa 1) Infant and Young Child Feeding, diin kini nagadasig sa eksklusibong pagbreastfeed sa mga inahan ngadto sa ilahang bag-ong natawo nga anak hangtod sa ika-unom nga bulan sa bata ug sa pagpadayon nga pagpakaon og ‘complemintary foods’ ngadto sa mga bata nga unom (6) ka bulan pataas. 2) Integrated Management of Acute Malnutrition o ang pagtutuok sa mga Severe Acute Malnourished (SAM) nga mga bata kay sila dali lang matakdan sa mga sakit. 3) Dietary Supplementation Program, kini ang pahatod og supplementary feeding sa matag barangay, day care centers, ug apil na usab ang mga buntis. 4) Nutrition Promotion Program, kini usa ka caregiver class nga ginahatag sa matag barangay para sa mga ginikan nga adunay ‘malnourished’ nga anak aron magiyahan sila sa saktong pag-andam sa mga pagkaon nga puno og sustansya. Ug uban pa.
Sa pagkakaron, ang pamaagi sa paghatag og serbisyo sa Nutrition Section kay kuhaon sa Barangay Nutrition Scholar (BNS) ang mga supply gikan sa Lokal nga Panggamhanan dayon iapod-apod sa matag benepisyaryo nga malnourished nga bata aron malikayan ang pagtapok2 tungod sa hulga sa COVID-19. Ginaawhag usab ang katawhan nga kung adunay kaila nga malnourished nga bata ipaabot dayon kini sa BNS sa inyohang barangay aron maadtoan.
Nagpabilin usab og kaalaman si Fontanilla, nga kung mamahimo paliton ang mga pagkaon nga adunay tatak nga Sangkap Pinoy Seal o ‘Fortified’ kay aduna kini’y dugang nga mga bitamina, sustansya ug nutrisyon nga makuha niini nga dakong tabang sa saktong nutrisyon.
Alang sa dugang detalyi sa panaghisgot mamahimong i-click ang link: https://fb.watch/bco0VBFdIi/
✍️ | Tim Acebedo, CIO-PIRO
