Enero 14,2021 — Gihisgutan sa programang RaJOE Serbisyo sa 94.3 FM, Dream Radio ang mga serbisyo ug benepisyong makuha sa Philippine Health Insurance Corporation o PhilHealth nga angay mahibal-an sa mga katawhan sa siyudad sa Panabo tungod usa ang PhilHealth sa frontline nga nagahatag og wastong health services sa mga katawhan.

Gibutyag ni Dovie G. Estabillo nga ang PhilHealth usa ka ahensya sa gobyerno diin ang mandato niini mahatagan ug matabangan ang tanang Filipino sa dekalidad ug baratong serbisyo sa panglawas nga dili angay ikagoul sa tanan. “Sa panahon nga aduna kita’y problema sa panglawas mao kini ang atong kaagapay,” dugang pa niya.

Giklaro usab ni Genevieve Dela Peña-Lorna nga aron luwas ang tanan ug para malimita ang exposure sa panahon sa pandemya aduna sila’y “New Normal” sa pag transak niini, mao kining Online o Email submission ug Member Portal.

Alang sa dugang detalyi bisitaha ang City Government of Panabo Facebook Page o bisitaha ang link: https://www.facebook.com/panabocityofficial/videos/475843350618830. Alang usab sa dugang pangutana mamahimong mo kontak sa phictagum.onlinetransaction@gmail.com.

|I.Balogbog, CIO-PIRO