Oktubre 31, 2022 – Midagsa ang mga katawhan sa Eternal Garden, Memorial Park, ug Old Cemetery sa siyudad sa Panabo alang sa pagduaw sa ilang mga minahal sa kinabuhi nga mipanaw na, bisan paman sa kainit sa panahon. Ang uban kanila, sayo pa sa buntag mitungas na aron dili maabtan sa kainit ilabi na sa pagdagsa sa tao, sulod sa sementeryo.

Sa mandato sa Lokal nga Panggamhanan sa gipagawas nga Executive Order No. 130, hapsay nga gipatuman ang mga ginabawal ug gi-discourage sulod sa sementeryo, sama sa pagpasulod sa mga batang nga nag-edad og 7 anyos paubos. Ginabawal ang pagdalag ilimnong makahubog, gina-inspeksyon usab ang matag sakyanan na musulod ilabi na ang pagdala og gamit nga maka peligro sa mga katawhan sulod sa sementeryo, ug labaw sa tanan ang pagsunod sa IATF protocols aron sa paglikay sa COVID-19.

Pahimangno usab sa katawhan nga alas 6 sa buntag mag open ug alas 7 sa gabie magsirado ang matang sementeryo sa siyudad sa Panabo.

Sa matag sementeryo, adunay mga station alang sa matag ahensya sa gobyerno ug mga pribadong grupo alang sa pagpatunhay sa kahapsay, kalinaw, ug seguridad sa tanang katawhan nga mubisita.

Anaa ang mga ahensya nga kabahin sa OPLAN UNDAS 2022 nga mao ang City Mayor’s Office (CMO), City Administrator Office (CADO), City Disaster Risk Reduction Management Office (CDRRMO), City Health Office (CHO), Civil Security Unit (CSU), Traffic Management Unit (TMU), City General Office (GSO), PNP-Panabo, PNP-DavNor, BFP-Panabo, Coast Guard, Army of the Philippines. BHW ug Midwife sa matag Barangay kung asa nahimutang ang sementeryo, RECON, Kabalikat Radio Com, ug uban pang pribadong nagboluntaryo sa pagbantay sa katikaran sa matag sementeryo . Ang Emergency Action Plan alang sa Oplan Undas 2022 giandam sa nila City Administrato Pedrito Misoles isip EOC Manager ug CDRRMO Head Prosper Dajalos,Jr. isip Planning Coordinator, kauban ang mga panuglo ug sinaligan sa nagkadaiyang Departmento sa LGU-Panabo ug mga National Line Agency nga anaa sa syudad.

Alang sa dugang balita, atangi sa Panabo City Information Office, Facebook Page.

|IDOB
Erick A. Etis, CIO-Multimedia Unit
Eman Pan, CIO Multimedia Unit