Nagsugod na ang pagbalik sa full blast nga Face-to-Face (F2F) classes sa tanang tulonghaan sa nasod adtong Nobyembre 2, 2022 subay sa mandato sa Department of Education. Sa Panabo City, opisyal kining gisugdan pinaagi sa seremonyal nga programa sa Panabo City Senior High School (PCSHS).

Gisugdan nila kini og Flag Ceremony kung asa gisalmotan ni Schools Division Superintendent Dr. Reynante A Solitario, CESO VI ug Principal II Myrna E. Purification.

“We are expecting nga mahatag namo ang saktong knowledge sa mga studyante human sa duha sila ka tuig nga online ug modular class,” matod pa ni Purificacion.

Gibutyag usab niya nga andam gihapon sila sa posibling hulga sa COVID-19 samtang naga sunod sila sa Inter Agency Task Force (IATF) health protocol.

Gawas niini, nag-andam sila og holding area ug nurse oras nga adunay estudyante o faculty nga maka sinati og sintomas sa COVID-19.

“We are grateful because aduna na gyud interactions between students and the teachers sa klase,” sumala pa ni Eulaiza Jeane Garcia studyante ug SSG President sa PCSHS. “After all, we can learn a lot more better.”

Gisugat usab ang full blast F2F og United Nations Culimination Program.

Mahinumduman nga adtong Agosto 2022, opisyal nga gi abrehan ang klasi apan kini limitado lamang. Karon nga higayon, regular na ang klase kung asa ang kompletong ihap na sa studyante kada classroom ang mo tungha aron mag tuon sa adlawng Lunes hantod Biyerness.

Laoman usab nga sugdan na ang regular classes sa ubang tulonghaan sa Panabo.

| ✍️Gen Alforque – CIO, Research Unit
| 📸 R. Cayas & A. Castilla