Hulyo 30,2021 — Nahuman na ang pag-interbiyo sa 700 kapin nga mga aplikante sa Iskolar ng Lungsod Program sa New City Hall, Panabo City ug sa ABC Hall, Panabo Parks and Plaza. Kini ang ulahing lakang aron mapilian ang mga aplikante sa scholarship program nga gimugna sa Lokal nga Panggamhanan alang sa mga umaabutay nga mga first year college students sa siyudad.

Ang programang Iskolar ng Lungsod adunay tumong nga makahatag og educational assistance sama sa Php 12,000.00 cash assistance alang sa tuition fees ug allowance nga Php 7,000.00 kada semester.

Sumala pa ni Jay Kem Celocia, Panabo City Iskolar ng Lungsod Program Facilitator ilawom sa City Administrator’s Office, nga ilang gisigurado nga ang mga aplikante muagi og interbiyo aron mahatagan ang tanan og parehas na tyansa. Dungag pa niya, “Kinahanglan ang mga scholarship program grantees maka maintain sa ilang grado aron magpadayon sila nga makabenepisyo sa scholarship program.”

Determinado usab si Khent Wendell Gaspar, taga New Pandan, nga iyang paningkamotan nga sya madawat sa maong programa. Ingon pa niya, “Kung ako madawat, ipakita gyud nako nga deserving ko ug tungod kay kinahanglan nako ning tabang sa akong pag-eskwela.”

Atol sa pag-interbiyo, anaa sila Assistant City Administrator Brenda A.Sauping, City Information Officer Michael Angelo A. Resueño, Assistant City Legal Officer Atty. Alstair Comighod, Representante sa Office of the City Mayor Eejean Joy Nicolas, Gender and Development Representative Rheva V. Coronel, PESO Panabo Representative Glezer Niez, ACES Panabo Scholarship Focal Mariefe S. Pospos, Department of Education Panabo Senior Education Program Specialist Rey B. Pueblo, Davao del Norte State College Scholarship and Grants Officer Verzon Jay R. Calipayan, Maryknoll College of Panabo, Inc. Guidance Counselor Frances Marie P. Amper, North Davao Colleges, Inc. Scholarship Coordinator Chrisen Angel Lei A. Catalbas, ug ni UM Panabo College Guidance Counselor Remechyl L. Bandalan ug uban pang mga personahe gikan sa nagkalain-laing tulunghaan sa siyudad.

Ang resulta sa Iskolar ng Lungsod kauban ang uban pang scholarship programs mamamahimong atangan sa City Government of Panabo Facebook Page o maghuwat og text gikan sa scholarship secretariat sa siyudad.

| Sonny L Calizar, CIO – PIRO