Disyembre 05, 2022 — Labihan ang pagnaog sa numero sa mga kaso sa kriminalidad gikan tuig 2019 subay sa report ni Panabo City Police Chief PLTCOL Adelon Caacbay sa gipahitabo nga City Peace and Order Council meeting nga gipangulohan ni City Mayor Jose E. Relampagos.

Gipakita ni Caacbay ang “trend” sa “8 Focus Crimes” sama sa murder, homicide, physical injury, rape, robbery, theft, motornapping, ug carnapping.
Sa datos gikan Nobyembre 30, 2022, ang homicide lamang ang nakita nga misaka sa kaso nga tulo (3) gikan sa usa (1) adtong tuig 2021.

“The intensification of focused law enforcement of this station resulted to the decreased of crime incident within area of responsibility,” matod pa ni Caacbay.
Ilaha usab gipadayon ang pag-implementa og Tokhang o Taphang alang sa pagkampanya batok illegal nga droga.

Gina-awhag ang katawhan nga magreport sa PNP station sa likod sa New City Hall, Government Center kung aduna may makasaksi o biktima mismo sa krimen. Aduna usab silay substation sa daang palengke (Central Market), kanto padulong wet market.

| CIO