Oktubre 13, 2021 – Gi Turn-over na ni City Mayor Jose E. Relampagos ang 61 ka mga laptops ug 15 ka desktop computers gikan sa Lokal nga Panggamhanan Special Education Fund alang sa tanang pampublikong eskwelahan sa siyudad sa Panabo, diin kini gipahigayon sa Gredu Elementary School.

Ang paghatag og mga laptops ug computers sa mga school heads makatabang alang sa ilang pagtrabaho para sa kabatanan-onan labi na sa panahon sa Pandemiya.

Nagpaabot usab og mensahe si City Mayor Jose E. Relampagos nga gi representahan ni Hon. Emeterio Blase, kabahin sa iyang suporta sa edukasyon. Ingon niya, “100% ang suporta nga ihatag nako sa atong kugihan nga mga magtutudlo ug mohatag pud kami og dugang nga gamit puhon.”

Matod pa ni Schools Division Superintendent, Dr. Reynante A. Solitario, nga mapasalamaton siya kay ang ilang gipangandoy nga mga kagamitan kay suportado sa Lokal nga Panggamhanan sa Panabo. “Milabay ang mga panahon sukad nakadawat mi og mga gamit sama sa laptops. Walay babag ang City nga mohatag sa among mga hangyo,” dugang pa sa SDS.

Ang maong programa, apil sa 10-point Executive Agenda ni City Mayor Jose E. Relampagos nga Educational Support.
Duyog sa kalihokan si OIC- Assistant School Division Superintendent Phoebe Gay L. Refamonte, PTA President Engr. Edwin Virtudazo, ug mga prinicipal sa nagkalain-laing tulunghaan sa Panabo.

| M. Gentiles