Agosto 3,2021 – Ipagawas na sa social media ang bag-ong katikaran sa Lokal nga Panggamhanan pinaagi sa City Information Office ang programang Learn from Home. Ang maong programa maghatod og giya sa pagmugna og mga klase-klasing produkto nga pwedeng mamahimong negosyo sa mga nanginahanglan nga katawhan sa Panabo.

Pinaagi sa virtual nga programa, maipakita ang mga materyales ug mga proseso sa pagmugna og produkto nga pwedeng tun-an sa mga nagtan-aw sa ilang panimalay. Sa Agosto 07,2021, ang Learn From Home magpresenta og Soap Making kauban ang host ug CIO Staff nga si Aina A.Tanaka.

Namugna ang programa pinaagi sa inisyatibo ni City Information Officer Michael Angelo A. Resueño ug iyang pakig-alayon kay PESO Manager Cherelle B.Espinosa nga adunay tumong nga maipaabot sa katawhan ang mga posibleng panginabuhian ilabi na sa panahon sa pandemya sa COVID-19. Kauban si Tanaka isip host sa programa, mapakita sa Learn from Home ang mga produktong dali lang matun-an og adunay barato nga kapital.

| Sonny L. Calizar, CIO – PIRO
📸 | Emman Pan