Agosto 04,2021 — Nagpahigayon og Clean-Up Drive Service sa Panabo Fishport, Barangay Cagangohan ang Lokal nga Panggamhanan pinaagi sa Kalinisan Program sa City Environment and Natural Resources Office (CENRO) kauban ang City General Services Office (CGSO). Gihinlo nila ang mga naanod nga mga gapnod ug mga basura sa palibot sa lugar gamit ang duha ka dumptruck.

Ang kalihokan usa ka paamagi nga mamintenar ang kahapsay ug kahinlo sa siyudad dili lang sa mga barangay kundi apil usab sa kadagatan.

Nagpahibalo si Sr. Environmental Management Specialist Norollah B. Pelayo sa mga katawhan nga mamahimong maging responsable sa paglabay sa ilang mga basura. Saysay pa niya, “Kailangan nato ang magtinabangay sa paghinlo sa atong kadagatan tungod kay isa kini sa atong source sa atong pagkaon ug hanapbuhay.”

Matagamtaman pa ang Kalinisan Program sa uban pang barangay sa Panabo.

| Sonny L. Calizar, CIO – PIRO
📸 | CENRO