September 12, 2022 — Mibisita ang LGU Mati sa LGU Panabo alang sa pag benchmark o pagtoon sa city economic enterprise sa Panabo. Gipahitabo kini sa 3rd Floor, Function Room, New City hall. Ang maong katuyuan kay ang pagkuha og mga bag-ong ideya ug mga stratehiya mahitungod sa mga enterprises sa Lokal na Panggamhanan.

Gisaysay ni CGDH/CEEO Mati nga si Rosendo Linsag nga gabisita sila sa mga LGU para matuman ang ilang pag revise o pagtarong sa ilang revenue code ug isa ang LGU Panabo na ilang nakita na progresibo.

Gipresenta ni CGADH-CEEMDO Dulce E. Relopez, MPA isip representante ni CEEMDO Head Nemesio L. Rasgo Jr, LLB ang mga lakang sa ilang departamento nga kabahin sa revenue anaa diha ang Public Terminal, Central and Premium Market, Cemetery, Slaughterhouse, ug Fish Port. Dugang pa ni CGADH Relopez nga, “Ang Public Market ang adunay pinakadako na koleksyon.”

Nagpaabot usab og pasalamat si City Information Head Michael Angelo A. Resueño, isip representate ni Mayor Jose E. Relampagos sa Panabo, sa Panabo CEEMDO tungod sa ilahang paglihok ug pagkugi tungod ang LGU Panabo naila dili lang sa taga LGU Mati apil na sa ubang LGU.

Sa katapusan, nag courtesy call ang maong grupo kay Mayor Relampagos. “Mapasalamaton ako ug nalipay usab nga aduna mo’y nakita na maayo sa LGU Panabo,” ingon pa ni Mayor Relampagos.

✍️Dolly Amag, CIO-PIRO
📸Rommel Cayas, CIO-Multimedia