Menu

Gipangunahan ni City Mayor Jose E. Relampagos isip Chairman sa Peace and Order Council ang usa ka resolusyon nga nag-endorse sa Philippine National Police (PNP) Regional Director sa mga aplikante para sa Police Officer sa PNP diin gipahitabo kini adtong September 12, 2022 sa City Mayor’s Conference Room, 3rd Floor Panabo City Hall.

Ang mga aplikante mao sila Jessah Mei A. Alcala, Niña Marie A. Robles ug Jesska Marie C. Silva nga nakahuman sa kursong BS in Criminology.

Human sa pagtuki sa mga dokumento sa aplikasyon nakit-an nga takus sa rekomendasyon ang maong mga aplikante para sa pulis kung diin aprobado sa mga miyembro sa Peace and Order Council nga sila Vice Mayor Hon. Gregorio U. Dujali III, Yolanda A. Balana, MPA, CILGOO VII, DILG, PLTCOL Adelon M. Caacbay, Panabo CPS, School Division Superintendent Renante A. Solitario, EdD nga gi-presentahan ni Asst. Schools Division Superintendent Division of Panabo City Phoebe Gay L. Refamonte ug City Councilor Hon. Omar Ranain.

Nagpahimangyo usab si Mayor Relampagos sa mga aplikante nga magtarong ug mag-amping panahon sa training alang sa pagkapulis. “Salamat sainyo ug Congratulations!”, dugang pa ni Mayor Relampagos.

Gi-endorso ang maong mga aplikante alang sa Police Officer 1 kang PBGEN Benjamin H. Silo, Jr., Regional Director, PRO 11 ngadto sa Camp Quintin Merecido, Buhangin, Davao City alang sa konsiderasyon ug final screening.

| M. Gentiles
📸 R. Cayas

Categorized in Featured , News Release

Related Posts